Niruhusu Nikuite Baraddhuli

Kama kuku kwao mtama, chambo chako kikanasa,

Na kwa mkunjufu mtima, ‘kamchagua mkongwe hasa,

Matumaini yazama, vijana kwenye anasa

‘Kiniruhusu raisi, ‘takuita baradhuli

Kwa mapana na marefu, ukamteua Awori,

Nchi yetu tukufu, ‘mebaki la wenye gari,

Wakupa sifa sufufu, mwenye njaa ale mori,

‘Kiniruhusu raisi, ‘takuita baradhuli

Ulisimama jukwaani, ukanena wazi wazi,

Kama kundule kwa nyani, azma ya kijana wizi

Wamo wenye mvi vichwani, ila linavuja zizi

‘Kiniruhusu raisi, ‘takuita baradhuli